Bacallau Pilpil de mamá

Esta é unha receita familiar Ferreiro

Ingredientes

  • Bacallau desalgado
  • Allos
  • Aceite
  • Cebolas
  • Guindillas
  • Patacas pequenas
  • Pementos morrones (1lata)

Remóllase o bacallau durante 48 horas (todo dependendo do seu grosor e como se coma de salgado na casa) e na neveira. Escorremos o bacallau pola mañá, se se fai a mediodía, ou tempo equivalente se se cociña para a cea.

Fritimos os allos e acaramelamos as cebolas

Frítense nunha tixola un puñado de allos con bastante aceite, cando estean dourados resérvanse.Noutra tixola frítense as cebolas a lume lento ata que estean moi feitas e transparentes, cun poquitín de sal e unha cullerada de azucre para acaramelalas e resérvanse noutro prato. No aceite onde se fritiron os allos, bótase o bacallau cunha guindilla ou dúas, volto e volto, frito pero non moi pasado.

Escórrese o bacallau

Sácase para unha fonte unha vez frito, cando estea todo o bacallau na fonte, inclínase para que vaia escorrendo o aceite e a xelatina que solte. O aceite da tixola déixase temperar. Mesturamos o aceite da tixola coa xelatina que soltou o bacallau.

Facemos o pilpil

Vertemos o aceite morno nunha xerra e cristal. Collemos unha pota de barro tipo paellera ou unha pota normal non moi alta ou mesmo unha paellera e cun coador metálico. Apoiamos o coador no fondo da pota e imos vertendo hilitos de aceite que temos na xerra, pouco a pouco e a medida que botamos o aceite no coador movendo ímolo facendo círculos, ese aceite mesturado co movemento do coador, irá cambiando de textura (máis espesa) e de cor (esbrancuxado). Engádense os anacos de bacallau á salsa “pil pil” colocándoos na pota ou paellera, dáselle só un pequeno fervor meneando a tartera para que se mesture o bacallau (non ferver moito e a lume lento porque se nos pasamos, a salsa se volve líquida).