Empanada de millo de Carmucha

Esta é a receita de Carmucha, clienta e amiga, leva moitísimos anos en Noia, ensinando a moita xente (incluidos cociñeiros), a facer a empanada de millo tradicional, chea de agarimo e saber familiar.

Ingredientes

  • 1kg de fariña de maiz
  • 250gr de fariña de centeo
  • o tamaño dunha castaña de fermento de panadaría
  • sal
  • recheo ó gusto
  • auga
  • aceite de oliva

Formamos unha montaña coa fariña de millo e no medio facemos un buraco, coma se fose un volcán.
Coa auga moi quente e unha culler de madeira, imos engadíndoa aos poucos e removendo, dando voltas ata que quede a fariña “embolada” (feita un bolo).                                                                                                                                                                                     Cando estea amornada a masa, engadimos os 250gr de fariña de centeo.                                                                                              Amasamos ben a masa ata que quede homoxénea.                                                                                                                                    Preparamos un prato fondo con aceite. Untamos o fondo da empanadera.                                                                                               Collemos un bo anaco de masa e imos estirando do centro cara aos lados, utilizando sempre as mans molladas en aceite, deixando un sobrante polos lados para pechala despois.                                                                                                                                                    Imos quentando o forno a 200ºC.                                                                                                                                                                     Enchemos a empanada co recheo preparado.                                                                                                                                                        Imos mollando as mans en aceite, collemos cantidades pequenas de masa que esmagamos e alisamos coas mans e imos “parcheando” a parte de arriba da empanada. Terminamos de alisar a parte de arriba cun tenedor ou culler.                                  Cunha espátula ou similiar, facemos os cadrados debuxándoos.                                                                                                         Dependendo do forno, cocemos a empanada ao redor de 45minutos, controlando ata que este douradiña.

*Consello Ferreiro

O recheo da empanada pode levar a cantidade segundo o voso gusto… nós recomendamos por exemplo, si é de Xoubas (Sardiñas pequenas) 1kg antes de limpalas, si é de bacallau ao redor de 500gr desmigado…

Pochamos 750gr de cebolas con bastante aceite ata que estean cristalinas, e disolvemos no aceite quente un sobre de azafrán ou colorante alimentario. Repartimos a cebola por toda a masa, encima distribuímos o bacallau ou as xoubas e pechamos a empanada.