Cada ano que pasa, o Samhain colle máis forza e popularidade en Galicia. Esta antiga celebración celta, coñecida tamén como “A festa dos cabazos”, ten raíces fondamente galegas e un simbolismo que vai moito máis alá do Halloween que hoxe coñecemos.
O significado do Samhain na tradición celta
O Samhain, que se celebra na noite do 31 de outubro, marcaba no calendario celta o inicio do inverno, da escuridade e do novo ano. Críase que durante esta noite máxica se abría un portal entre o mundo dos vivos e o dos mortos, permitindo o reencontro das almas. Esa mestura de morriña, respecto e medo ao sobrenatural segue presente en moitas tradicións galegas.
A orixe das cabazas. Da cabeza celta á cabaza galega.
Naquela época, os vivos deixaban comidas e doces á entrada das casas para os seus defuntos, e tamén empregaban cabezas —primeiro humanas, despois de animais— como protección fronte aos malos espíritos. Co paso do tempo, estas ofrendas transformáronse en cabazas baleiradas e iluminadas, símbolo que hoxe asociamos ao Halloween moderno. Así naceu “A festa dos cabazos”, unha versión galega e ancestral desta festa tan internacional.
Cando o Samhain se converteu no Día de Todos os Santos.
Coa chegada do cristianismo, a Igrexa católica prohibiu o Samhain, considerándoo unha práctica pagá, e substituíuno polo actual Día de Todos os Santos. A vixilia desta data traduciuse ao inglés como All Hallow’s Eve, orixe directa do termo Halloween. Pero o certo é que o Halloween moderno ten as súas raíces no Samhain celta de Bretaña, Irlanda e tamén de Galicia.
Os colares de zonchos: unha tradición galega con alma
En algunhas zonas de Galicia, os nenos levaban colares de zonchos (castañas cocidas enfiadas con fío) nestas datas. Cada castaña simbolizaba unha alma liberada do purgatorio, e comelas era unha maneira de honrar aos defuntos.
Este xesto sinxelo e cheo de significado mostra como as nosas tradicións galegas conservan o espírito do Samhain, transformándoo nunha celebración de memoria, unión familiar e respecto polos que xa non están.
En Ferreiro, gustaríanos seguir mantendo vivas as tradicións galegas. Por iso, cada outono celebramos estas datas con produtos auténticos: castañas, doces típicos, licores artesáns e cestas galegas “As Bravas” cheas de sabor e cultura.
👉 Descubre as nosas cestas de outono e celebra o Samhain co auténtico sabor de Galicia.